Blogger: Reymark Alcorcon
WALAY KASO KAY NAGKA AREGLO
Posibleng wala nay kaso nga ipasaka sa drayber sa motor nga nibangga sa laing usa pa ka motor nga gisundan niini sa alas 2:45 ang takna sa hapon sa adlaw nga sabado, Abril 12,2025, nga miresulta sa pagka matay sa angkas sa motor nga na bang-gaan didto sa nasudnong dalan sa Barangay Talaga sa Lungsod sa Argao.
Ang namatay nailhan nga si Lucasia Mamaboy Gelbero, hingkod ang edad nga taga Lungsod sa Argao ra usab.
Ang namatay sakay sa motor nga gimaneho ni Juan Baqueran Alcoreso kinsa maoy drayber sa Honda TMX 125.
Subay sa imbestigasyon sa kapulisan sa Lungsod sa Argao samtang nag maneho si Alcoreso gibang-gaan kini sa usa pa ka laing motor nga gimaneho ni Emilio B. Belda, hingkod ang edad kinsa maoy drayber sa motor nga Yamaha YZF-R3.
Nasayran nga si Alcoreso og Belda pareho’ng nag subay sa dalan gikan sa habagatang bahin sa Sugbo paingon sa amihanan nga bahin.
Apan pag-abot na sa nahitabo-an kalit matod pa miliko si Alcoreso nga maoy hinungdan nga nibangga si Belda ngadto na sa motor nga iyang gisundan.
Tungod sa maong hitabo gitanggong dayon sa Argao Police si Belda, apan sa pinaka ulahi nga kasayuran ang kabanay sa namatay og si Belda nagkasinabot ra og mosanong sa mga obligasyon kalabot na sa namatay nga sakay sa motor nga iyang nabang-gaan.| BBT
Tags
Balita